at-Tariq - Yoruba:Mikail

86:1 (Allāhu) fi sánmọ̀ àti Tọ̄riƙ búra.

86:2 Kí sì ni ó mú ọ mọ ohun tó ń jẹ́ Tọ̄riƙ?

86:3 Ìràwọ̀ tí ìmọ́lẹ̀ rẹ̀ ń tàn ròrò (ní alẹ́ ni).

86:4 Kò sí ẹ̀mí kan àfi kí ẹ̀ṣọ́ kan wà fún un (nínú àwọn mọlāika).

86:5 Nítorí náà, kí ènìyàn wòye sí ohun tí A fi ṣẹ̀dá rẹ̀.

86:6 Wọ́n ṣẹ̀dá rẹ̀ láti inú omi tó ń tú jáde kọ̀ọ́kọ̀ọ́.

86:7 Ó ń jáde láti ààrin ìbàdí ọkùnrin àti àwọn ẹfọ́nhà igbá-àyà obìnrin.

86:8 Dájúdájú Allāhu ni Alágbára lóri ìdápadà rẹ̀

86:9 ní ọjọ́ tí wọ́n máa ṣe àyẹ̀wò àwọn (iṣẹ́) àṣepamọ́.

86:10 Nígbà náà, kò níí sí agbára tàbí alárànṣe kan fún un.

86:11 Allāhu fi sánmọ̀ tó ń rọ òjò ní ọdọọdún búra.

86:12 Ó tún fi ilẹ̀ tó ń sán kànkàn (fún híhùjáde èso) búra.

86:13 Dájúdájú al-Ƙur’ān ni ọ̀rọ̀-ìpínyà (láààrin òdodo àti irọ́).

86:14 Kì í sì ṣe àwàdà.

86:15 Dájúdájú wọ́n ń déte gan-an.

86:16 Èmi náà sì ń déte gan-an.[1]

86:17 Nítorí náà, lọ́ra fún àwọn aláìgbàgbọ́. Lọ́ wọn lára sẹ́ fún ìgbà díẹ̀.

at-Tariq (الطَّارِق)