al-`Alaq - Yoruba:Mikail

96:1 Ké (al-Ƙur’ān) pẹ̀lú orúkọ Olúwa rẹ, Ẹni tí Ó dá ẹ̀dá.

96:2 Ó ṣẹ̀dá ènìyàn láti ara ẹ̀jẹ̀ dídì.

96:3 Ké e. Olúwa rẹ ni Alápọ̀n-ọ́nlé jùlọ.

96:4 Ẹni tí Ó fi ìmọ̀ nípa gègé ìkọ̀wé mọ ènìyàn.

96:5 Ó fi ìmọ̀ tí ènìyàn kò mọ̀ mọ̀ ọ́n.

96:6 Ní ti òdodo, dájúdájú ènìyàn kúkú ń tayọ ẹnu-ààlà

96:7 nítorí pé ó rí ara rẹ̀ ní ọlọ́rọ̀.

96:8 Dájúdájú ọ̀dọ̀ Olúwa rẹ ni àbọ̀ ẹ̀dá.

96:9 Sọ fún mi nípa ẹni tó ń kọ̀

96:10 fún ẹrúsìn kan nígbà tí (ẹrúsìn náà) kírun!

96:11 Sọ fún mi (nípa ẹ̀san rẹ̀) tí ó bá jẹ́ pé ó wà lórí ìmọ̀nà (’Islām)

96:12 tàbí pé ó pàṣẹ ìbẹ̀rù (Allāhu)!

96:13 Sọ fún mi (nípa ìyà rẹ̀) tí ó bá jẹ́ pé ó pe òdodo ní irọ́, tí ó sì kẹ̀yìn sí i?

96:14 Ṣé kò mọ̀ pé dájúdájú Allāhu ń rí (òun ni?)

96:15 Rárá (ọ̀rọ̀ kò rí bí ọ̀tá Allāhu ṣe rò ó sí.[1]) Dájúdájú tí kò bá jáwọ́ (níbi dídí Ànábì - kí ìkẹ́ àti ọlà Allāhu máa bá a - lọ́wọ́), dájúdájú A máa fi àásó orí² rẹ̀ wọ́ ọ (sínú Iná);

96:16 àásó orí òpùrọ́, ẹlẹ́ṣẹ̀.

96:17 Nítorí náà, kí ó pe àwọn olùbájókòó rẹ̀.

96:18 Àwa máa pe àwọn mọlāika ẹ̀ṣọ́ Iná.

96:19 Rárá (ọ̀rọ̀ kò rí bí ó ṣe ń sọ nípa Wa). Má ṣe tẹ̀lé tirẹ̀. Forí kanlẹ̀ (kí o kírun), kí o sì súnmọ́ (Allāhu).

al-`Alaq (العَلَق)

Yoruba:Mikail - Yoruba:Mikail